تصنيف العملاء .. وكيفية عمل weekly plan

بسم الله الرحمن الرحيم
بداية احب ان انوه ان هذا الموضوع منقول وانسبه الى صاحبه drmansoob جزاه الله عنا خيرا وتم اخذ الوافقة منه على نقله الى منتدانا الغالى وذلك لأهمية الموضوع

موضوعنا النهارده ان شاء الله هيكون عن كيفية تصنيف الأطباء حسب ال potentialaity بتاع كل واحد

واللى على أساسه هتبدأ تحدد عدد الزيارات الشهريه لكل طبيب
وبالتالى تقدر تحط weekly plan ناجحه وهادفه


والموضوع هو اجابه لسؤال ممكن كتير مننا يتسأله في أى مقابله
السؤال :لو عندك عمارة فيها دكتورين واحد بيكتبلك 8 من 10
والتانى 10 من 20 ولازم تزور واحد بس
تزور مين وليه؟؟؟؟؟؟؟؟؟؟؟؟؟


تعالوا نشوف ازاى هنقسم الدكاتره وبعدين نجاوب على السؤال

=-=-=-=-=-=-=-=-=-=-=-=-=-=-=-=-=-=-=-=-=-=

I - Physician Classification



يتم تقسيم الأطباء الى Three Priorities
P1 , P2 , P3


في البدايه يتم تحديد عاملين مهمين جدا جدا

Potentiality


اما high او low او medium
حسب عدد المرضي الذي يراهم الطبيب يوميا

مثال : لو الطبيب بيشوف 30 حاله مثلا يبقي high potential


ولو بيشوف 15 حاله مثلا يبقي
medium potential
اما لو بيشوف 5 حالات فقط يبقي low potential


والارقام دي بتختلف من مكان لمكان حسب الكثافه السكانيه في كل مكان
وحسب معدل المرضي في المستشفيات والمستوصفات المجاوره

loyality


ايضا اما high او low او medium
وتحدد حسب نسبة وصف الطبيب لدواك من ضمن اجمالى وصفاته

مثال : لو طبيب بيكتبلك 15 وصفه من ضمن 20 حاله بيشوفهما يوميا
يبقي high loyal


لو بيكتبلك 8 مثلا من 20 يبقي

medium loyal

لو بيكتبلك 3 وصفات من ضمن 20 حاله بيشوفهم يوميا
يبقي low loyal


على هذا الأساس سيتم عمل الجدول التالى الذي سيحدد تقسيم الأطباء الى ثلاث أنواع





طبعا واضح في الجدول البسيط دا التقسيم هيتم ازاى

Class P1 ( A ) = HH , HM , MH
Class P2 ( B ) = LH , MM , HL
Class P3 ( C ) = LM , ML , LL

وطبعا واضح ان HM مثلا يعني دكتور
High Potential , Medium Loyality


وهكذا بالنسبه لباقي التعريفات

=-=-=-=-=-=-=-=-=-=-=-=-=-=-=-=-=-=-=-=-=-=

II - Weekly Plan


نيجي بقي لكيفة عمل جدول للزيارات الأسبوعيه

سيتم تحديد عدد زيارات شهريه كالتالى

Class P1 ( A ) = 4 times / month
Class P2 ( B ) =


2 times / month
Class P3 ( C ) = 1 time / month


هتعمل ببساطه جدول مكون من اسبوعين متتاليين

- الطبيب

P1 تثبتله زياره اسبوعيا
- الطبيب P2 تثبتله زياره اسبوع آه وأسبوع لأ
- الطبيب P3 معظم الشركات لا تهتم بالزياره الشهريه له ولا تطالب بها
وتكون تطوعا منكـ اذا اردت .. يمكن تقدر تحوله لدرجه اعلى


ملحوظه هامه جدا جدا :


النظام السائد في معظم الشركات المالتى ناشيونال

قائمه الاطباء بتاعك او الليسته زى ما بنقول.. List
غالبا ما تتكون من 70 الى 100 طبيب
حسب نوعية الدواء اللى انت شغال عليه

مطلوب منك متوسط 11 زياره في اليوم
يعني تقريبا 242 زياره شهريا

نفرض الليسته بتاعك فيها 70 دكتور منهم
40P1 & 30 P2

بحسبه بسيطه 40 * 4 = 160
30 * 2 = 60
يبقي المجموع 220


يبقي فاضلك 22 زياره
تبدأ تكملهم من الأطباء اللى هما Class P3

بكده يبقي انت عملت Weekly plan ناجح جدا جدا


ودا سؤال بيتسأل كتير جدا جدا ف المقابلات

=-=-=-=-=-=-=-=-=-=-=-=-=-=-=-=-=-=-=-=-=

ملحوظه أخري :


مبدئيا الزيارات المذكوره في الموضوع دى نظريا فقط من حيث اولوية وأهمية الزياره
انت بتزور ال HL مرتين لما ميكونش فيه اى أمل انك تزود الوصفات بتاعه أكتر من كده


بس طبعا لو عندك دكتور HL وحاسس انك ممكن ترفعه ل HM او HH
وقتها ممكن تزود عدد زياراته من نفسك .. والشركه طبعا تكون شاكره ومش هتقولك لأ
ولو عدد وصفاته للدواء بتاعك زاد ممكن تنقله على سيستم الشركه من HL الى HM مثلا

وفي حاجه مهمه بعض الشركاتى المالتى ناشيونال بتعملها اسمها

HL Project


وهو تخصيص مندوب واحد يزور جميع الأطباء ال

HL فقط في المدينه كلها
لأنهم زى مانت قلت فرصه حقيقه لعمل Growth


والمندوب دا بيكون متفرغ تماما لزيارة كل الاطباء من هذا النوع ومحاولة رفعهم لدرجة Loyality اكبر

يعني مثلا انت عندك في منطقتك 6 دكاتره HL
وواحد زميلك عنده في منطقته 8 HL وواحد تالت عنده 10 HL

الشركه تجيب مندوب جديد يزور كل الدكاتره ال HL في مناطق زمايله
مشروع ناجح الى حد كبير اذا تم تطبيقه بطريقه صحيحه



=-=-=-=-=-=-=-=-=-=-=-=-=-=-=-=-=-=-=-=-=

أرجو ان ينال الموضوع اعجابكم ويفيدكم باذن الله

والسلام عليكم ورحمة الله وبركاته